هكذا كتب حامد غالب رداً على من يتهم الزعيم صالح انه من سلم الحوثيين الدولة واسقط مؤسسات الدولة، واهان المؤتمريين  ...

مزيدا من التفاصيل في المقال الذي كشف فيه الدور البطولي للزعيم في مواجهة العدوان  وعدم تدخله في تسليم صنعاء من قبل الفارهادي ..

 بقلم / حامد غالب رفعت الاقلام وجفت الصحف ...

موضوع طويل للي فيبه طافه 

صالح سلم المؤتمر لمليشيات طائفيه.. 

صالح يشارك في اهانة المؤتمريين بتواطئه مع تصرفات الحوثيين ضدهم عفاش  هد اركان الدوله بتحالفه مع الحوثيين ... صالح اهان الجيش وسلم المعسكرات لسلاليين مذهبيين ...

هذي المقولات طبعا لمرتزقة العدوان وعيال العاصفه وجواري سلمان يرددونها دائما لتبرير عمالتهم وتحالفهم مع عدو حقير ونذل يستهدف اليمن ارضا وانسانا وتاريخا وهويه واحرق الاخضر واليابس واستهدف الاطفال والنساء والعجزه من المدنيين قبل ان يستهدف المقاتلين ... وعشان ارد عليهم بطريقه سريعه ...

نقول لهم دخل الحوثيين دماج وعمران وصنعاء والحديده وذمار وريمه واب وحجه والجوف في عهد هادي وبمباركه شخصيه منه وبالسنتكم انتم بتواطئ معه وبتنسيق هذا كلامكم انتم قبل ان يكون كلامي...

اقتحم الحوثي وزارات الدوله ومعسكرات الجيش ووزارة الدفاع والقياده العامه وما زال هادي في صنعاء ويحكم ويعين ويمارس مهام بكافة صلاحياته 

هادي هو من  عين زكريا الشامي نائبا لرئيس الاركان وبصلاحيات وزير دفاع وترفيعه في من رتبة مقدم الى لواء في سابقه تاريخيه 

اللجان الثوريه تشكلت وبدأت عملها ومارسته بكل اريحيه وتدخلت في عمل مؤسسات الدوله ووزاراتها في عهد هادي وخلال حكومة بحاح وصور محمد علي الحوثي وهو يجتمع بالوزراء في ذالك الوقت ما زالت موجوده ومنتشره في الفيسبوك...

كان المقدشي "رئيس اركان جيشكم المرتزق" وليس صالح هو قائد المنطقه العسكريه السابعه المسؤوله عن محافظات صعده وعمران والجوف وصنعاء عندما سقطت عمران والجوف في يد الحوثيين وهو الذي لم يقم باي شيء لايقاف تقدمهم...

كان اليافعي نائب رئيس اركان جيشكم العميل ... هو قائد المنطقه الخامسه المتمركزه في الحديده وهو الذي سلمها بكل معسكراتها للحوثي وبدون اي مقاومه هذا في شهر اكتوبر ٢٠١٤ وعاد هادي رئيس وبحاح رئيس وزراء ...

كان الصبيحي الي ضجيتونا بكاء وشكاء عليه هو وزير الدفاع وقت احتجاز هادي وسقوط دار الرئاسه وكان هو ضمن لجنة الوساطه التي اوقفت المواجهات والزمت قوات اللواء الثالث في النهدين بالاستسلام والسماح للحوثيين بالدخول للمعسكر ....

كان الصبيحي مش صالح هو الذي جلس في الصفوف الاماميه يوم الاعلان الدستوري لانصار الله وكان الصبيحي هو  وزير دفاعهم ورئيس لجنتهم العسكريه كان الصبيحي هو من منح الغماري والمداني وابوعلي الحاكم رتبهم العسكريه مش صالح ...

وما دفعني اصلا لكتابة هذا المنشور هو ان نغمة صالح سلم المؤتمر للحوثي ... الزعيم ودف بنا بتحالفه مع مليشيات ..

الزعيم اهان المؤتمر والمؤتمريين بتحالفه مع الحوثه الخ الخ .. صارت الان تردد من قبل مؤتمريين ومن ناس ضد العدوان ...

لهؤلاء نقول ؟  ايش كنتم تتوقعوا من الزعيم يقف موقف غير هذا ؟ امام انذل واسفه عدوان يواجهه شعب ووطن؟ 

تطالبوا المؤتمر بالتراجع عن تحالفه مع انصار الله واتفاقه السياسي .. ايوه وبعدين ايش البديل ؟ هاتوا لنا بديلكم يا فطاحلة السياسه .

انصار الله بالفعل في رأيي لهم اخطاء كارثيه وعملوا نثرات في ادارتهم للدوله "ركزوا معي في ادارتهم للدوله" وهذا الشيء نقدر نعذرهم فيه لقلة خبرتهم وحداثة تجربتهم وكمان لانهم حركه فتيه ومندفعه ومتهوره لكن هم يمنيين وحطوا مية خط تحت "هاذي" الجمله يمنيين .. مش سعوديين ولا سودانيين ولا اماراتيين صح استخدموا السلاح في استيلائهم على السلطه ... لكن ممكن حد منكم يقول لي كم عدد الضحايا المدنيين الذين سقطوا في معركة صنعاء؟ الي معه رقم يعطيني وقارنوها باقل غاره سعوديه ... كم مدارس دمرت ؟ كم مستشفيات قصفوا كم وزارات هدموا كم جسور فجروا لما دخلوا صنعاء ولما مشوا ذمار والحديده وحجه واب وريمه قبل العدوان ... ببساطه ولا شي ...

وفوق كذا محد يقدر ينكر دور انصار الله المحوري في الدفاع عن اليمن وصمودهم الاسطوري في التصدي للعدوان السعودي على الاقل لا تبخسوا الناس اشيائهم 

الي يبرر رفضه لتحالف المؤتمر مع الحوثيين ولاتفاقهم السياسي بحجة انه خايف على الدوله ومؤسساتها اقول له ايش رايك يعني نخرج المجلس السياسي والحكومه ويرجع ابو احمد ولجانه الثوريه عشان ترتاح وتطمئن على مؤسسات الدوله ؟ انتم واخذين الامر بسهوله وبسطحيه غبيه ايش تتوقعوا  ترجع دوله ومؤسسسات في غمضة عين وفي ضل عدوان حقير وحصار ظالم. واستهداف مستمر لاقتصاد البلد ... 

تحالفنا مع انصار الله اعاد لنا البرلمان واعاد الروح للسياسه في البلد وضخ الدم في قلب مؤسسات الدوله صح ببطئ لكن في شي يتحقق ،،،، خلاص مع المؤتمر نص حكومه ؟ كل وزير يفرض نفسه في وزارته ويثبت وجوده ويفعل العمل المؤسسي فيها ويوقف اي تدخلات خارجيه في عمله ما فيش مع احد عذر ...

والاهم من ذالك ايش رايكم نخلي الشرعيه تدخل وترجع مؤسسات الدوله زي ما رجعتها بعدن وابين وشبوه وحضرموت وتسلم لكم الرواتب زي ما سلمتها لابناء هاذي. المحافظات بعد ما بطلت صنعاء تصرف لهم ...؟؟

ومره ثانيه اقول للمعترضين من المنتمين للمؤتمر ايش بديلكم ... اعتبروا عفاش سافر اعتبروه لا سمح الله توفى ايش بتسوو ؟ اطرحوا لنا خياراتكم يلا.... طيب اعملوا لكم مؤتمر بديل وروونا ايش بتسوو واثبتوا لنا ان احنا غلطانين ؟ 

اقول لكم شي وانا اقوله من زمان للي يقولوا لي ما معك من عفاش واقف معه ...اقول لهم انا واقف مع نفسي مش واقف مع عفاش .. بالعكس اعتبر عفاش هو الي واقف معي ...

ولا قولوا بدون عفاش فين كنتم بتكونوا اليوم ...مع من واقفين ؟ ببساطه يا مع العدوان ... يا بتقعوا حوثيين اكثر من الحوثه ..والي مش واقف معاهم او مع العدوان بيكون بالع لسانه وعررر ينطق بكلمه ...

وبس كتبت لما عضلت يدي وبانشره بدون مراجعه وشكله محد بيقراه لكن هي ذمه وضمير واحد يدي الي مؤمن به وطز بالباقي