كشف الناشط  المؤتمري اليمني كامل الخوذاني الذي هرب  من صنعاء الى عدن خوفا من الحوثيين ان حكومة هادي وبن دغر  المسمى "بالشرعية" ترفض تواجد اي شخص يعارضها في عدن.

 وقال الخوداني في منشور له رصدة موقع "اوراق برس  " اذا كانت الشرعية ما تقبل بالمناطق اللي مسيطره عليها الا اللي معترف بها واي واحد يعارضها ما تقبله ايش الفرق بينها وبين الحوثي اقل حاجه الحوثي جلست بمناطق سلطته ثلاث سنوات وانا مش معترف به ومعارض له ماتركتها الا بعد ما اهدرو دمي واستشهد الزعيم وهولاء شغلوني بكات ما تعترف بالشرعيه وانت جالس بالمناطق اللي مسيطره عليها ما تعترف بها وهي استقبلتك لازم نطردك ونرجعك مناطق الحوثي انت ما يطبع بك الجمل وكأن قد اشتروني وقالك يشتوا يبنوا بلد ديمقراطي حر يمن جديد ورافعين شعار الحرية والديمقراطية والجمهورية وسلطه شرعية لكل اليمنيين لا تزيدو بها قلدني الله يا لو ارجع عند الحوثيين وبعد كل هذا لايقولوا اهلا وسهلا وانتقدهم وافضح جرايمهم مثلما كنت وبدون ما اعترف بهم ولا بسلطتهم..

 وختم حديثه حول ذلك "يعني بالمفتوح ابوه البكات ... يا تطبل لي وتقع عبد عندي ومتمسح بي يا انت مش تمام تستحق الموت لازم نطردك لازم نسلبك حق الانتماء والوطنية والمواطنه ..يمن جديد .. على غيري.

 لكن الخوداني تدارك منشورة السابق مؤكد عداوته مع الحوثي :ضد الحوثيين مثلما كنت من ثلاث سنوات وهم عدوي ولا عدو لي سواهم ومايهمنيش لا شرعية ولا تحالف ولا مطبل لهم ولا معترف بهم اللهم من مبدأ عدو عدوي صاحبي ...احد عنده مانع... هذا اخر كلام عندي واللي مش عاجبه اقرب حايط وخبط راسه لما يسرحها فتوت ..

 الخوداني اضاف منشورا ثالثا  هاجم فيه الاخوان مرة اخرى  ثم الحوثيين  ومن سماهم ثوار نكبة 11فبراير"المنشورات الاخيره حقي عيفرحوا بها عيال مسعده فرح لايعلم به الا الله ويشلوها وهات يانواح شفتوا قالو ماهمش معترفين بالشرعية شفتوا مش معترفين بالتحالف وهات يا غواير ..او... للجنان مش احنا مثلكم من صفر...  لحقنا بعده وبعدين نرجع ننسفه نسف على شان غير محافظ او غير وزير او غير قايد عسكري وقلنا عليه ضعيف وما ينفع ونعتبر التحالف عدوان ونطالب بمحاكمة قياداته بتهمة ارتكاب جرائم حرب مثلما بتفعلوا هي شرعية مش لعبة كيرم لو نعترف بها عندي عليها روسنا مش نطعن ابوها بالظهر ونعمل المعسكرات ونجمع الاسلحه على شان ننقض عليها وفوق هذا نتحالف مع الحوثي بالسر احنا مابش عندنا لا لف ولا دوران يامعك يا ضدك هكذا عيني عينك ...خاطركم ...

 واضاف :خلونا عند الحوثي وجرايمه واتذكروا ان به ملايين اليمنيين واقعين تحت سيطرته بيدفعهم الدم هتك الاعراض ونهب الاموال وانتهك الحرمات واذل الحر واهان الكريم يسلب الناس اموالهم وحريتهم وابنائهم ويزداد قوه لعلمه ولثقته بحقارة وتفاهة البعض ممن يستخدمون الشرعية وسيلة والتحالف مطية لتحقيق اهداف ومشاريع لاتقل خساسه عن مشاريعه واهدافه لم يعد لجرائم الحوثي ذكر بقواميسهم بقدر ذكرهم وحقدهم على الشرعية والتحالف الذي اويهم واكرمهم واشفي غليل صدورهم واعاد لهم البعض من كرامتهم المسلوبه وجعلهم يفتحون افواههم وقد كانت خرساء ولم يعد لهم من قضية الا قضية طارق طلع طارق نزل طارق رقد طارق قام العفافيش اعترفوا بالشرعية العفافيش ما اعترفوش بالشرعية ١١ فبراير ثوره ١١ فبراير مش ثوره عقليات سطحيه لا يهمها وطن ولا يهمها شعب بقدر مايهمها مكاسبها السخيفه حتى لو كانت مجرد هربجه اعلامية مثل هربجة ١١فبراير اللي نكبتهم قبل ما تنكب غيرهم بس هم مابيعتبروهاش نكبه لأنهم جمعوا لهم من يوم ما انطردا ملايين الريالات والدولارات ولهذا يعتبروها خير وبركه وناسيين 25 مليون مواطن وصل منهم 11مليون لحدود المجاعه و13 مليون لخط الفقر ومحافظات مقسمه وبلد ممزق مهتوك ضايع وحوثي ابن كلب ما ترك بيت باليمن الا واقام فيه عزاء ولا مدينه الا وبصم على منازلها وشوارعها خرابه...

 وختم قائلا :شعب وبلد سرحوا فتوت والمنحطة توكل تبشر اوردغان انهم حققوا الهدف الاول وشغالين لتحقيق بقية الاهداف ايش هي بقية الاهداف ياساقطه تشتري فلل جديده او تفتحي حسابات وارصده بنكية جديده او ترفع كل محافظة يمنيه علم خاص بها وتعلن نفسها دولة مستقله.....اللعنه.